Faton Ratkoceri

Shirat e kohës


U kthyen shirat e kohës
Ashtu kishin premtuar
Sollën vajtimet e botës
Zëra engjujsh të vajtuar

......

Sollën të gjithë mllefin
Hyjnitë vështronin n’xhelozi
Edhe këto stuhi s’presin
S’kanë durim i zunë n’habi

Kush si e pse n’vazhdimsi
S’kishin të ndalur pyetjet
E hyjnitë vazhdonin me xhelozi
Për kë derdhej gjithë ky lëng parajse

I lëni të qetë janë njerez
Të vdekshmit
Po u pastrojmë mëkatet
Edhe të tillat laramani

.....
19:36

Vazhdojnë shirat e kohës
Ashtu kishin premtuar
Nuk sollën premtimin e dhuratës
Eh kjo u deshka vonuar

Ikën shirat e kohës
Lanë pas freski
Tani qiellin blu ma përshkon ylberi
Tejpërtej të bardhave re

7 nëntor 2009
(frymëzuar nga Karunesh -- Return Of The Rains)



Sot

Sot jam sypërlotur
Por nuk qaj dot
sot kam mall për gjyshen
por nuk qaj dot
sot kam mall për grupin tim
por nuk qaj dot
sot kam mall për vendin ku linda
por nuk qaj dot
sot dua të shkoj
por nuk qaj dot
sot më duhet të rri
por nuk qaj dot
sot dua ta bëj dje
por nuk qaj dot
sot sot sot
do e mbaj mënd të sotmen
do e mbaj mënd
sepse zgjata dorën
e dhashë diçka
nga xhepi
dikujt që i bënte punë
mua jo
e po ndihem më lehtë!

4 nentor 2009




Më mbet fjala në fyt ...

I fola vetmisë
Që prej fëmijërisë
I dola fer frikës
U zhduk
I dola përpara vajzës
Buzëqeshi
As po as jo
Ju ktheva vetmisë
Më priti e mrrolur
E mallkova
S’bëzani
Vazhdova tutje
U sorollata
Takova mendjelehtën
Çfarë tipi
Takova kryelartën
Çfarë bezdie
Takova hirushen
Çfarë përralle
Takova syrrushen
Më mbet fjala në fyt ...

23 tetor 2009